3 مشترك

نكـــــــــــــــــــــــــــــــــات

العدلانابي: المشرف العام; عدد المساهمات : 131
تاريخ التسجيل : 10/02/2009
العمر : 43

مساهمة رقم 1

نكـــــــــــــــــــــــــــــــــات

العدلانابي الإثنين يوليو 13, 2009 12:12 pm

واحد مسيخ ابوه مات بالليل والدنيا برد شديد.. عنده جاره غتيت خلاص سمع بالبكاء وعمل نائم قام جاء الصباح عامل كان معاهم امبارح وقال لجاره: كيف اصبحتو؟! رد المسيخ: اصبحنا ابونا ميت قوم ادينا فاتحتنا!!
.....................................

سواق تاكسى مسطول
اشر له واحد فى الشارع .. تاكسى تاكسى قال ليهو عارف عارف
....................................

شيخ جامع قطع إشارة المرور الحمرا ركن علي اليمين وسجد سجود سهو
....................................

رباطابي مشى للجزار قال ليه اديني كيلو لحمة
الجزار كل مرة يقطع حتة لحمة ويرميها في الميزان
الجزار قال الميزان ده ما داير ينزل مالو؟؟
الرباطابي قال ليه ينزل كيف عاد وانت بترمي ليه في الدوهات من قبيل
.....................................

صرصار راقد في المستشفى بأزمة.. زميله المجبص سأله: بف باف برضو؟ قال ليهو لا شبشب
....................................

واحد مسطول بيسمع فى اربعة بتناقشو. اتنين بتناقشو فى انو الهلال
هزم المريخ .. والاتنين التانين بتناقشو فى المسلمين هزموا المشركين فى بدر
المسطول عاين ليهم كـــــــده قاليهم معناتا الهـلال حيلاقى المسلمين
فى المباراة النهائية
.....................................

مسطول قال: صبرنا قلنا الزمن يغير الحكومة قامت الحكومة مقلبتنا وغيرت الزمن
.........................................

مسطول الامام عذبه .. ارجع .. اتقدم .. سد الفراغ
قال ليهو انت داير تصلي بينا ولا تشوت فاول

عمده

عمده: مشرف المنتدى الإجتماعي; عدد المساهمات : 54
تاريخ التسجيل : 28/06/2009

مساهمة رقم 2

رد: نكـــــــــــــــــــــــــــــــــات

عمده الثلاثاء يوليو 14, 2009 2:25 pm

[quote]
مسطول قال: صبرنا قلنا الزمن يغير الحكومة قامت الحكومة مقلبتنا وغيرت الزمن
.........................................

حلوة منك ............بالغت فيها .......

عمده

عمده: مشرف المنتدى الإجتماعي; عدد المساهمات : 54
تاريخ التسجيل : 28/06/2009

مساهمة رقم 3

رد: نكـــــــــــــــــــــــــــــــــات

عمده الثلاثاء يوليو 14, 2009 2:39 pm

مسطول بيفتح في التلاجة ويقفل سالوه مالك قال ليهم داير أشوف النور ده بيجي من وين

XXXXX

مسطول اتفق مع إبليس يخشو صرفة ، آخر الشهر أخد الصرفة الأولى وقال بسسسسم الله
XXXXX

* عروس رباطابية والعريس, الزول مامصدق نفسه
كل شوية يميل على العروس في الكوشة ويقول ليها:
والله يا ….ما تتصوري فرحتي قدر شنو, يا …….انا ما مصدق اننا اخيرا اتزوجنا
يا …… انا مستني اليوم ده لي سنيين, يا …. ما تتخيلي انا بحبك قدر شنو
البت عاينت ليه (نظرة ذات مغزي) وقالت: والقال ليك انا باكرهك منو؟؟؟
XXXXX

قالو مسطول مشي الحج،، الناس طايفين و هو طايف عكس الناس،، سألوهو يا زول مالك طايف عكس الناس؟ قال ليهم عندي طوفة زايدة داير أمسحا،،

XXXXX

اتنين مساطيل بسطلوا فى البحر ويجوا يدخلوا دار الرياضة …
يوم اسطلوا وماشين لدار الرياضة، جوا بالشارع الورا قدام الدايات
لقوا يافطة مكتوب فيها الوقاية ضد الإيدز الاول قال للتانى : ناس اتحاد الكورة ديل عاوزين يجننونا مالهم …….كل يوم جايبين لينا فريقين جداد

XXXXX

جماعة مساطيل…قاعدين في بيتهم…دايرين يولعوا سجاره عاديه…لقوا الكبريت خلص…رسلوا واحد للدكان يجيب كبريت
داك مشي الدكان وجا راجع ساكت بدون الولعه
قال ليهم الدكان قفل لكن لقيت ست شاي مولعه المنقد…طيب ما كان تولع..؟؟؟ ارجع ليها
صاحبنا رجع..وجا تاني بدون ولعه..مالك؟؟
قال لقي ست الشاي قفلت…لكن لقي واحد في الشارع مولع سيجاره..!!!!؟ ارجع ليهو..؟؟
قالوا ليهو: لأ.. انت ما نافع…خلاص أطفي الشمعه دي معاك خلينا ننوم
XXXXX

مسطول مرته ماتت قالو ليه نديك أختها
قال يا جماعة نسابتي ديل شركة تامين ولا شنو؟
XXXXX

قال ليك في 2 مساطيل راكبين عربية واحد سايق والتاني قاعد بجنبه
الاول= اعمل حسابك في شجرة قدامك
التاني=شايفه
الاول=الشجرة
التاني=شايفة
الاول=الشجرة قولت ليك
التاني=ياخى ما قولت ليك شايفه
و طاخخخ صدموا الشجرة
البوليس جا لقه الكان بقول الشجرة هو الكان سايق العربية والتاني كان قاعد جنبه
XXXXX

قالوا ايام حظر التجول فى
واحد مسطول طلع جنب البيت وقعد فى العتبة
ولف ليه سيجارة كاربة وقعد
بعد شوية عربية الدورية جات حايمة
شافو الراجل قاعد مستكين
قام الضابط ساله
انت ياشاب قاعد تتحاوم مالك ماعارف فى حظر تجول
المسطول عاين للضابط وقال ليه
هسى القاعد يتحاوم منو

XXXXX
في شلة كل يوم يتسطلو مع بعض ويحكو نكت لقو نفسهم بيكرروا النكت زاتها
قاموا عملوا ارقام للنكت وبقوا يقعدوا يقولو رقم النكتة ويضحكوا
يوم واحد جاب معاهو ضيف. الضيف لقى الجماعة شغالين
نمرة 1
نمرة 18
نمرة 35

الضيف قام طوال خاشي في الونسة وقال 955 الجماعة كلهم ضحكو ضحك مبالغ فيهو
الضيف استغرب وقاليهم اشمعنى الرقم بتاعي ضحكم شديد كدة
واحد من الجماعة قاليهو دي جديدة اول مرة نسمعا

XXXXX
مسطول
باب بيته دق
كورك: منو ؟
رد عليه الضيف: انا حفيدك
اها قال ليه حتفيدني بي شنو؟؟؟

XXXXX

واحد مسطول سايق عربية قام واحد من اللساتك نزل في شارع سريع
جو الناس اتلمو فيه دايرين يتكلمو كده صاحبنا المسطول قال ليهم
هسسسسسسسسسسسسسس ولا كلمة اللستك ناي

عمده

عمده: مشرف المنتدى الإجتماعي; عدد المساهمات : 54
تاريخ التسجيل : 28/06/2009

مساهمة رقم 4

هنــــــــــــــــــدي هنـــــــــــــــــــــــــــدي

عمده الثلاثاء يوليو 14, 2009 7:36 pm

[center][[b]color=blue]السلام عليكم ورحمة الله وبركاته

كيفكم ..

امثال باللهجه الهنديه المعربه

اخليكم معها..

اذا كان الكلام من فضة فالسكوت من ذهب.
> (ازا قرقر فزة مافي كلام زهب)

> >مد رجولك على قد لحافك
> (رزول مال انته لازم مافي يروه برا بتانية )

> >ألا ليت الشباب يعود يوماً فأخبره بما فعل المشيب
> (ازا سباب يجي واحد يوم انا يسوي كلام سنو سوي سيب )

> >ابن البط عوام
> (بتشه مال بته يعرف سوي سباهة)

> >الصبر مفتاح الفرج
> (صبر كنسل مشكل)

> >عصفور باليد خير من عشرة على الشجرة
> (واهد عسفور داخل ايد اهسن من عسر عسفورات فوق سجرة)

> >إذا كثُر الطباخين فسد اللحم
> (نفرات شيف زيادة بعدين لحم يجي خراب)

> >لا في الهندي مروَّة ولا في الرُز قوة
> (رفض الحكيم الهندي ان يترجمها)

> >كلام الليل يمحوه النهار
> (كلام مال نهار كنسل كلام مال ليل)

> >اللي ما يعرف الصقريشويه
> ( نفر ما يعرف سقر سويه شاورمه )[/b[/center[/color]]]

العدلانابي

العدلانابي: المشرف العام; عدد المساهمات : 131
تاريخ التسجيل : 10/02/2009
العمر : 43

مساهمة رقم 5

رد: نكـــــــــــــــــــــــــــــــــات

العدلانابي الأربعاء يوليو 15, 2009 12:49 pm

عمده كتب:[center][[b]color=blue]السلام عليكم ورحمة الله وبركاته

كيفكم ..

امثال باللهجه الهنديه المعربه

اخليكم معها..

اذا كان الكلام من فضة فالسكوت من ذهب.
> (ازا قرقر فزة مافي كلام زهب)
[/b[/center[/color]]]

يازول جبت الحاجات دي من وين

العدلانابي

العدلانابي: المشرف العام; عدد المساهمات : 131
تاريخ التسجيل : 10/02/2009
العمر : 43

مساهمة رقم 6

رد: نكـــــــــــــــــــــــــــــــــات

العدلانابي الأربعاء يوليو 29, 2009 12:24 pm

أدروب سأل مسطول : عيد الضحية........الخروف نضبح عيد الحب دا شنو؟؟ فقال المسطول : عيد الحب الخروف نجَكّس !!................................. سكران قال لصحبه هو الريس ده ما يمشى المحكمة ويوريهم انو ما غلطان .. قال ليه لكن السودان ما عضو فى محكمة الجنائيات ..قال ليه يعنى شنو ؟ ما نحن يوماتى فى محكمة النظام العام كنا اعضاء فيها ؟................................. شايق مشى يسجل ولده في المدرسة قالوا ليهو : المدرسة بي خمسمائة الف والبص بثلاثين الف ، قال ليهم خلاص سجلوهو لي في البص................................. نكتةواحد رباطابى فى مطعم بياكل ليه فتة شوربة وفوقها فرخة جا واحد شافه وشاف الوليمة دى ودخل شمال وين يا فلان مشتاقين وين انت وقعد ياكل والرباطابى مغيوظ منو وداك يحافر وياكل يحافر وياكل بس لغاية الفرخة ما مالت بى جنبته قام قال والله الجدادة دى بتفهم بتمشى للبحن عليها الرباطابى ..بتمشى للبحن عليها ولا من كترت حفيرك تحتها..................................... مسطول لما ينوم بيخت كبايتين موية جنبو واحدة فاضية والتانية مليانة مرتو قالت لية ياراجل دا شنو دا؟قاليها امكن اصحى اشرب وامكن مااشرب...................................... مسطول اشاكل ليهو مع واحد من شرطة النجدة و العمليات المسطول دق العسكري دق شديد قام ضرب لل 999قاليهم انتو ال999 قالو ايوة فى حاجة قاليهم بقيتو 998..................................... عمك عجوز محمد ولدو فى امريكا رسل لابوة يجيهو زيارة تغير جو يعنى الابو وصل استقبلو صاحب محمد وسايقو على البيت بس محمد ساكن فى الدور129 ركبو الاصانصير وصلو الدور كم وتمانين السحاب جا مارى فيهم وصلو 112 عاين لقى السحاب بقى تحتو بعييييييييييييد عمك قلع عيونو ونط قاليهو ياولدى اقيف انت قصدك محمد منوووووووووووو؟....................................... عجوز عمرها 80 سنة لقت المصباح السحرى الجنى قاليها عندك 3 طلبات قالت ليهو خلاص صغرنى 30 سنة عمرها بقى 50 عاينت كدة قالت لالا تانى 30 بقت 20 عجبتها الحكاية قالت ليهو خلاص نقصنى 12 سنة بقت 8 سنين وطوااااالى طقتها حصبة ماتت......................................... اتنين مساطيل واحد قال للتانى رمضان المرة دى حاااااار قاليهو والله كدة مافى صالحو ....................................... - شلة بتاعة قمار لم واحد فيهم ماخلى ليهم تعريفة بقت بكرة الجمعة مشو الجامع للصلاة لقو الخطيب ياهو زولهم زااااااااااااتو الفلس بيهم بس كانت خطبة مبالغة لمن قعدو يبكو الخطيب عاين ليهم كدة وقال ليهم:هنا ابكيكم وهناك ببكيكم اصبرو لى بس........................................ مسطول والجوع قاطع قلبه مشى حفله سمع الفنان بيقول (نحنا فى الدمعات غرقنا)قال ليهم بختكم نحن بوش مالاقينو

العدلانابي

العدلانابي: المشرف العام; عدد المساهمات : 131
تاريخ التسجيل : 10/02/2009
العمر : 43

مساهمة رقم 7

رد: نكـــــــــــــــــــــــــــــــــات

العدلانابي الثلاثاء أغسطس 04, 2009 3:37 pm

مسطول علق جلابيتة فى الشماعة وقعت منة قال دى سلامة الما كنت جواها
........................

جماعة راكبين في لوري

واللوري اخر شحنة

اللوري اتقلب

اللقا ليك فوقو بطيخة واللقا في راسو قفة
واحد من نوع البتخلعوا ديلك .. المهم دخلت فيهو خوفة.. شاف ليك بطيخة من هناك مدردقة عليهو قايلا راس زول..بس شبكم ليك:
يا جماعة دة راس منو دة..
الللللللله يا جماعة.. دة راس منو ياخ
بس ادروب ورا ساطل ردا عليو: اسمأ يا.. لو فيهو شنب وسفة دة هقنا
.............................

مسطول سأل التاني: الطحنية دي بصنعوها من شنو؟ قال ليهو: من النشاره
.............................

رباطابي اتصل بسودانير عشان يحجز فساله الموظف ذهاب واياب ؟ قال لا،خروج المغلوب
..............................

واحد قاعد يصطاد في البحر وفي مسطول واقف جمبو.الزول البصطاد كل مره يمرقليهو جزمه او رباط جزمه وكده.. المسطول قام قاليهو أسمع: إنته مشرك للسمك ده بي ورنيش ولا شنو
..............................

الشمس غابت جلدوها
.................................

رباطابي مسطول لقو في السعودية قالو ليو الاخو سوداني قال لا لبناني مظلل
...................................

اتنين مساطيل حضرو ليهم حادث انقلاب بوكسي
بقى واحد فيهم يمسك الزول ويقول ليهو
1+1 كم
وطاخ...يديهو كف
1+1 كم
وطاخ.. كف
التاني عاين ليهو كويس
وقال ليهو
هوي ما تكفتن ساي
يمكن بليدين
.................................

مسطول اولاده نجحو في الإمتحانات جاب ليهم كورة ،، قال ليهم
انجحو السنة الجايه عشان انفخه ليكم
..................................

واحد قال لمسطول ياابن العم الساعة كم؟ المسطول عاين لساعتو وقال الا ربع الراجل قال ليهو كم الا ربع؟ المسطول رد والله ياابن العم ماعارف لانو شوكة الساعات مكسورة وكده

Thnaks guys

بنت النيل

بنت النيل: مشرف المنتدى الإجتماعي; عدد المساهمات : 29
تاريخ التسجيل : 27/08/2009
العمر : 42
الموقع : نهر النيل - ام جركي

مساهمة رقم 8

رد: نكـــــــــــــــــــــــــــــــــات

بنت النيل الإثنين أغسطس 31, 2009 8:11 pm

ههههههههههههههههههههههه نكات روعة
تسلموا علي النكات ياشباب

العدلانابي

العدلانابي: المشرف العام; عدد المساهمات : 131
تاريخ التسجيل : 10/02/2009
العمر : 43

مساهمة رقم 9

رد: نكـــــــــــــــــــــــــــــــــات

العدلانابي الإثنين أغسطس 31, 2009 9:22 pm

بنت النيل كتب:ههههههههههههههههههههههه نكات روعة
تسلموا علي النكات ياشباب

تسلمي الأخت بنت النيل ... ومرحب بيك بين أهلك العدلاناب

العدلانابي

العدلانابي: المشرف العام; عدد المساهمات : 131
تاريخ التسجيل : 10/02/2009
العمر : 43

مساهمة رقم 10

مره مفتحة جــــــــــــــــــــداً

العدلانابي السبت سبتمبر 12, 2009 9:05 pm

عاد من عمله متجهم الوجه مقطب الجبين، فتحت له امرأته الباب فلم يسلم عليها و لم يكلمها، لم يغير ملابس العمل كعادته كل يوم، جلس في زاوية و وضع يده على رأسه و راح يتأفف، قدمت له زوجته الطعام فلم يأكل و قال : أعيدي الطعام إلى مكانه فلن آكل شيئاً

سألته : ما بك ؟ !

قال في انفعال : لا شيء.. لا شيء ..

قالت أرجوك أخبرني فلعلي أستطيع مساعدتك..
قال : قلت لكِ لا شيء..فدعيني و شأني ..
تلطفت معه أكثر و قالت : أنا زوجتك و صاحبة سرك ، فلمن تبث همك إذا لم تبثه لزوجتك ؟

تشجع و قال : و بماذا تستطيعين مساعدتي ؟

قالت أساعدك بحياتي لو أردت ، و هل عندي من هو أغلى منك ؟ فقط قل لي ما الذي أزعجك ؟

قال : قانون أصدرته الحكومة هو الذي أزعجني ...
قالت : و ما دخلك أنت بقوانين الحكومة ؟ !
قال : القانون يقول : يحكم بالإعدام على كل رجل لا يتزوج على زوجته ..

قالت : و هل يزعجك يا حبيبي أن تموت شهيدا ؟ ً!!!!!!

بنت النيل

بنت النيل: مشرف المنتدى الإجتماعي; عدد المساهمات : 29
تاريخ التسجيل : 27/08/2009
العمر : 42
الموقع : نهر النيل - ام جركي

مساهمة رقم 11

رد: نكـــــــــــــــــــــــــــــــــات

بنت النيل الأحد سبتمبر 13, 2009 6:36 pm

بنت جميلة دخلت محلات ملابس وبقت تقول للتاجر ياحاج دا بكم ، وياحاج دا بكم ، وياحاج دا بكم، قال ليها انا ماحجيت انا عمرت (اعتمرت) بس يعني ممكن تقولي ياعمري...

????? ??

????? ??: زائر

مساهمة رقم 12

رد على النكات

????? ?? الخميس يوليو 29, 2010 4:01 am

والله ياشباب نكاتكم كلها مسيخة وتطمم البطن

العدلانابي

العدلانابي: المشرف العام; عدد المساهمات : 131
تاريخ التسجيل : 10/02/2009
العمر : 43

مساهمة رقم 13

رد: نكـــــــــــــــــــــــــــــــــات

العدلانابي الخميس يوليو 29, 2010 2:56 pm

عثمان كر كتب:والله ياشباب نكاتكم كلها مسيخة وتطمم البطن

[b]اول حاجة مرحب حبابك يا كرجة وان شاء الله طيب

النكات ياخوي مسيخة ولا طاعمة ده ما المهم ... المهم انو الناس تتلاقى وتعرف أخبار بعض ... ومرحب بيك تاني وتالت وعاشر [/b]

منتديات السلمة بحري - سلمة العدلاناب

نكـــــــــــــــــــــــــــــــــات